Дамушы елдердің валюта бағамдарының АҚШ долларына қарағанда серпіні мынадай түрде қалыптасты. Түрік лирасы 2,1%-ға (4,23-тен 4,32-ге дейін) әлсіреді. Валюта аптаны әлсіреуден бастады, алайда Түркия президенті Р.Т.Эрдоғанның ұлттық валютаның ағымдағы құны іргелі факторларды көрсетпейтіні туралы, сондай-ақ Түркиянің Орталық банкі басшылығының жоспардан тыс кездесуінен кейін бағамды тұрақтандыру үшін ықтимал өктемдіктер туралы орын алған алыпсатарлық туралы мәлімдемесі әлсіреуді тоқтатты. Бразилия реалы Бразилияның Орталық банкі төрағасы Илан Голдфайнның 6,5%-дық нысаналы инфляцияға қол жеткізуге қатысты түсініктемесінен кейін реттеушінің базалық мөлшерлемені азайту арқылы монетарлық саясаттың ықтимал жұмсаруы туралы алыпсатарлық аясында 2,0%-ға (3,53-тен 3,60-қа дейін) әлсіреді; Мексика песосы 0,8%-ға (19,27-ден 19,42-ге дейін) әлсіреді; Үндістан рупиясы 0,7%-ға (66,87-ден 67,33-ке дейін) әлсіреді; Индонезия рупиясы бір апта бойы бір АҚШ доллары үшін 13 945-13 960 рупий деңгейдегі шектерде айтарлықтай өзгеріссіз саудаланды; Ресей рублі әлемдік нарықтарда мұнай құнының өсуі есебінен 0,8%-ға (62,46-дан 61,93-ке дейін) нығайды; Оңтүстік Африка рэнді өткен аптадағы шығыстарды орнынан келтіріп, 1,9%-ға (12,50-ден 12,26-ға дейін) нығайды.