Apple компаниясы өзінің Aplle Store дүкендер желісінде жаңа iPod touch музыкалық плеерін таныстырды.

Құрылғы жаңа iSight 8 мегапикселді камерасымен және қанықтығы жоғары Face Time HD камерасымен, iPhone 6 смартфонындағыдай А 8 процессорымен жабдықталған. Экран диагоналі – 4 дюйм, Retina технологиясымен жасалған. Ал, бағалары плеер жадысының көлеміне қарай  16 Гб моделі – 199 доллар, 32 Гб моделі – 249 доллар, 64 Гб моделі – 299 доллар көлемінде болмақ. Сонымен қатар, 399 доллар тұратын 128 Гб моделі де шығарылады деп күтілуде. Аталған құрылғы сатылымға 17 шілдеде шығады.