Тұрғын үйден гөрі коммерциялық жылжымайтын мүлікті жалға алу құны жылдам қымбаттаған. 2016 жылдың ақпан айында коммерциялық алаңдар былтырғы жылмен салыстырғанда 20%-ға қымбат берілді. Бұл туралы Ranking.kz хабарлайды.

«Қазіргі жағдайда өсім салыстырмалы түрде болып отыр. Доллар эквиваленті бойынша коммерциялық ғимараттардың бағасы түскен. Ал теңгемен есептегенде біршама жоғарылаған", - дейді сарапшылар.

Жалға алу құнының көлемі бойынша,  бір жыл ішінде фотосалондар мен ақша айырбастау пунктерінің бағасы қымбаттаған. 2016 жылдың ақпан айында аталған орындардың 1 шаршы метрі 9 мың теңгені құрап, бір жыл ішінде фотосалондарды жалдау 2,2 есеге, ал айыбас пунктерін жалдау бағасы 60%-ға артқан. Ақпан айында айырбастау бөлімшелерінің жалдау бағасы 8,5%-ға қымбаттап, коммерциялық ғитараттар арасында көш бастап тұр.

Сондай-ақ, асхана орындары (1 жыл ішіне жалға алу бағасының өсімі - 51,5%), шаштараз бен сұлулық салондары (41,5%) және өндіріс цехтарының бағасы (40,6%) қымбаттады.