Қазақстандағы бөлшек сауда көлемі 2015 жылдағы қаңтар-ақпан айларындағы есептеу бойынша 3,9 пайызға артып, 857,2 млрд теңгені құрады деп хабарлайды экономика министрлігі.

Кәсіпорындар арқылы іске асырылған бөлшек сауда көлемі өткен жылдың қаңтар-ақпан айларымен салыстырғанда 2,2%-ға артты. Базар мен жеке кәсіпкерлер арқылы жүзеге асырылған сауда көлемі қорытынды есепте 6,1%-ға көбейді.

1 наурыздағы есептеу бойынша, сауда орындарының бөлшек саудадағы тауарлар қоры 292 млрд теңгені құрап отыр.

Бөлшек сауда құрылымында, негізінен, тағамдық емес өнімдердің үлесі басым (жалпы көлемге қатынасы 65,8%). 2014 жылдың қаңтар-ақпан айларымен салыстырғанда тағамдық емес тауарлардың бөлшек саудасы 6,2% көбейіп, азық-түлік өнімдерінің сатылымы 0,8%-ға азайды.