"Қазатомпром" ұлттық компаниясының уақытша басшысы белгілі болды деп хабарлайды 31 арна. Басқарма төрағасының міндетін уақытша атқарушы болып Айдар Әріпханов тағайындалды. Ол бұған дейін аталған компания басшысының экономика және қаржы бойынша орынбасары қызметін атқарып келген-ді.

Аталған шешім дүйсенбі күні кешке өткен "Қазатомпром" директорлар кеңесінің кезектен тыс отырысында қабылданды. Компанияның бұрынғы басшысы Нұрлан Қаппаров Қытайдағы іссапары барысында қайтыс болды.