Елбасы Жарлығымен Дариға Назарбаева ҚР Премьер-Министрінің орынбасары болып тағайындалды, деп хабарлайды Ақорданың баспасөз қызметі.

Дариға Назарбаева 1963 жылдың 7 мамырында дүниеге келді. 1980-1983 жылдары М.В.Ломоносов атындағы Мәскеу мемлекеттік университетінде білім алды. 1990 жылы Мәскеу университетінің аспирантурасында оқыған. 1991 жылы  тарих ғылымдарының кандидаты, 7 жылдан соң саясат ғылымдарының докторы ғылыми атағын алған. 1992 жылы  — «Бөбек» балалар қайырымдық қорының вице-президенті. 1994-1995 жылдары — «Хабар» Ұлттық теледидар ақпарат агенттігінің директоры, "Хабар" агенттігі республикалық мемлекеттік кәсіпорнының бас директоры қызметін атқарған. 1998 жылы "Хабар" агенттігі" АҚ президенті болып тағайындалады. 2001 жылы  - "Хабар" агенттігі" АҚ Директорлар кеңесінің төрайымы 2003 жылдан бастап "Асар" партиясының лидері атанды. 2006-2007 жылдары - «Нұр Отан» партия төрағасының орынбасары 2004-2007 жылдары «Асар» партиясының тізімі бойынша Мәжіліс депутаты боп сайланды. 2010 жылы маусым айында "Нұрбанк" компаниясының директорлар кеңесінен шықты. 2012 жылғы парламенттік сайлаудан кейін Мәжіліс депутаты болып сайланды.