Алматы. 31 қазан. 7kun.kz — Сыбайлас жемқорлыққа қарсы іс-қимыл агенттігі құқық қорғау органдары қызметкерлері мен судьялардың жауапкершілігін күшейтуді және сыбайлас жемқорлық үшін шартты түрде мерзімінен бұрын босатуды қолдануды шектеуді ұсынды.

"Жоғарғы Соттың судьялар корпусын тазарту мәселелеріндегі белсенді ұстанымдарын ескере отырып, біз Фемида қызметкерлерін бірлесіп жігерлендіреміз. Биыл бес адам сотталды. Осыған байланысты агенттік құқық қорғау органдары қызметкерлерінің және судьялардың сыбайлас жемқорлық үшін жауапкершілігін күшейтуге бастама жасады. Сондай-ақ ауыр және аса ауыр сыбайлас жемқорлық қылмыстары бойынша шартты түрде мерзімінен бұрын босатуды қолдануды шектеу ұсынылды", - деді Агенттік Төрағасы Алик Шпекбаев 2019 жылдың 9 айындағы жұмыс қорытындысы бойынша алқа отырысында.

Ол Қазақстанда сыбайлас жемқорлық құқық бұзушылықтар саны азайғанын атап өтті.

"Жыл басынан бері сыбайлас жемқорлыққа қарсы қызметте 2121 құқық бұзушылық тіркелді, оның 1590-ы - сыбайлас жемқорлық. Соңғы үш жылда кешенді жүйелі алдын алу шараларының нәтижесінде сыбайлас жемқорлық құқық бұзушылықтар саны 14%-ға азайды", - деді Алик Шпекбаев.

Оның айтуынша, қылмыстың негізгі бөлігін парақорлық (850), ұрлық (714) және қызметтік өкілеттікті асыра пайдалану (224) фактілері құрайды. Көрсетілген мерзім ішінде 1028 адам жазаға тартылды, оның 23-і - республикалық және 86-сы - облыстық деңгейдегі басшылар. Белгіленген шығын сомасы айтарлықтай өсті – 23,2 млрд теңге (өткен жылмен салыстырғанда 1,7 есе жоғары; 2018 жылдың 9 айында - 13,5 млрд теңге), оның 94%-ы өтелді.