Алматы. 26 тамыз. 7kun.kz - Мамандар Facebook Messenger-де қолданушыларды зиянды бағдарламалық жасақтаманы орнатуға мәжбүрлейтін қауіпті вирус тарағандығын анықтады. Бұл туралы Касперский зертханасы хабарлады.

Кибералаяқтар желі қолданушыларының тіркелімдерін бұзып, достарына сілтеме жібереді. Сілтемеге кірген қолданушы видеосы бар парақшаға тап болады. Содан кейін браузерге байланысты жасанды сайтқа өтеді. Windows-тегі Mozilla Firefox пайдаланушыларына Flash Player деп аталатын зиянды файлды көшіруді ұсынады. Қауіпті вирус Linux және MacOS операциялық жүйелерінде де таралып жатыр.