Ресей. 13 маусым. 7kun.kz – Финляндия Швециясыз НАТО-ға кіруден бас тартты. Бұл туралы Финляндия президенті Саули Ниинистё мәлімдеді, деп хабарлайды NRK.

«Швецияның мәселесі – біздің мәселеміз. Біз алға қарай бірге қадам басамыз», – деді Финляндия президенті.

11 маусымда Саули Ниинистё НАТО Бас хатшысы Йенс Столтенбергпен бірлескен баспасөз конференциясын өткізді.

Альянстың бас хатшысы Култаранта қаласына барып, онда мемлекет басшылығымен Финляндияның НАТО-ға кіруін талқылады. Одан кейін Столтенберг Швецияға барып, Премьер-Министр Магдалена Андерссонмен кездесуді жоспарлап отыр.

Айта кетейік, мамырда Швеция мен Финляндия НАТО-ға кіруге өтініш берген болатын. Блоктың барлық елдері олардың мүшелігін бекітуі керек. Алайда, Түркия Хельсинки мен Стокгольмді Анкара “террористер” деп санайтын күрд ұйымдарын қолдады деп айыптап, альянсқа мүше болуларына қарсы болды.