Алматы. 30 мамыр. 7kun.kz - Франция Apple компаниясынан 12 млн еуро салық төлеуді талап етіп отыр. Салық қызметі тексеру кезінде 2012-2014 жылдар аралығында салық төленбегендігін анықтады. Бұл туралы RNS хабарлады.

Нақты сома әлі белгісіз, бірақ қазіргі уақытта Apple 12,2 млн еуроны резервке қойып қойған.

Телеканалдың ақпараты бойынша, салық есептелгенге дейінгі акт Apple-дің Франциядағы екі бөлімшесінің біріне Apple Retail France EURL компаниясына тиесілі.

2016 жылдың қыркүйегінің қорытындысы бойынша, Apple Retail France EURL түсімі 623 млн еуроны құрады.  Ал шығын көлемі 9,4 млн еуро болған.

Компания өкілдері салықты есептеу туралы ақпарат бермеді. Apple-дің айтуынша, олар "әлемдегі ірі салық төлеушілер" және "барлық салықтарын, толық мөлшерле төлейді".