Греция үкіметі елдегі экономикалық жағдайды жақсартуға бағытталған реформалардың бірінші пакетін  Брюссельге жібереді. Бұл туралы ВВС хабарлайды.

Өткен аптада Еуротоп елдері мен грек үкіметі Грецияны несиелендіру бағдарламасының келесі кезеңін 4 айға созу туралы келісімге қол қойған еді. Жаңа келісім-шарт бойынша, Греция үкіметі халықаралық несие берушілер тобы рұқсат беретін реформалар тізімін жариялауы қажет.

Афина билігі қабылдаған негізгі шаралардың арасында жемқорлықпен күресу және салық саясатының қатаңдауы бар.