Алматы қалалық сотының баспасөз қызметі Халықаралық ақпараттық технологиялар университетінің бұрынғы ректоры Дамир Шыныбековтің қамауға алынғанын хабарлады.

"Дамир Шыныбеков Қылмыстық кодекстің 189-бабы, 4-бөлігі, 2-тармағы "Аса ірі мөлшерде сенiп тапсырылған бөтен мүлiктi иемденiп алу немесе талан-таражға салу" бойынша күдікке ілінген", - делінген хабарламада.

Сот оны қамауда ұстау шарасын екі ай мерзімге - 29 шілдеге дейін санкциялаған.

Дамир Шыныбеков 2009 жылдан бастап ректор қызметін атқарды. Сондай-ақ, Бостандық аудандық мәслихатының депутаты.