2016 жылдың 5 мамырында Қазақстан қор биржасындағы (KASE) күндізгі сессия қорытындысы бойынша доллардың орташа бағамы 335,46 теңге болды. Бұл туралы биржаның ресми сайтында жазылды.

KASE ақпаратына сәйкес, АҚШ долларына қатысты сауданың минималды курсы 332 теңгені құрады. Максималды курс — 336,10 теңге, сауданың аяқталуы кезінде 332 теңге болды. Күндізгі сессияда сауда көлемі 72 млн 900 мың долларды құрады. Валюта операциясына байланысты келісім саны — 136.

5 мамырдағы таңғы және күндізгі сессия қорытындысы бойынша доллардың орташа ресми бағамы 335,71 теңге болды.

Ақша айырбастау орындарында доллардың 5 мамырдағы максималды курсы 335 теңге (Алматы уақыты 15:30-да) деп белгіленген.