Tom’s Guide сарапшылары ең жылдам смартфонды анықтау үшін 9 тест бойынша 6 үлгіні сынап көрді. "Әлемдегі ең жылдам смартфон" атағына  Samsung GALAXY S6 edge ие болды деп жазады hi-tech.mail.ru.

Ол 9 тесттің 6-да бірінші орын алды.  Екінші орынға барлық тестте алдыңғы қатардан көрінген LG G4 жайғасты. Ал Qualcomm Snapdragon 810 өндірісті процессорын қолданатын HTC One M9 LG және  Apple iPhone 6-дан да қалып келеді. HTC өнімі тек бір ғана тестте үздік нәтижеге қол жеткізді.  Google Nexus 6 және ASUS Zenfone 2 бірде-бір сынақта бәсекелестерінен озбастан, рейтингтің ең төменгі орындарына тұрақтады.  Sony Xperia Z3-ті сарапшылар бұл тәжірибеге қатыстырмаған. Видеоны өңдеу VidTrim қосымшасында сынақтан өткізілді. Бұл қосымша iOS платформасында болмағандықтан  iPhone тестке қатысқан жоқ. Смартфондар 204 МБ салмақтағы 1080p видео қанша минут ішінде 480p-ге айырбастай алады деген талап бойынша бәсекелесті. GALAXY S6 2:35 минутта, LG G4 4:19 минутта,  Nexus 6 4:27 минутта, HTC One M9 4:48 минутта видеоны өңдеп шығарды. Zenfone 2-ге тапсырманы орындауға 5 минут қажет болды. Айта кету керек, аталған тест жаңа үлгідегі сматфондардың жылдамдықтарының қандай екендігін айқындайды. Бұдан бөлек смартфонның эстетикалық қабылдауы, көлемі және өзге де сипаттамалары да сынақтан өткізілді.