«Жалпы, мәдениет пен спорт саласына шығыстар 2016 жылы бекітілген жоспардан 34,5 млрд теңгеге ұлғайтумен 91 млрд теңгені құрайды», - деді Б.Сұлтанов.

Сонымен қатар, 2017 жылы өтетін Универсиадаға дайындық бойынша іс-шараларды іске асыруға Ұлттық қордан бөлінетін трансферт есебінен 28,8 млрд теңге қарастырылады. «Бұл ретте 12 және 3 мың орындық екі мұз айдынының құрылысын аяқтауға, ал универсиада іс-шараларын ұйымдастыру мен өткізуге 18 млрд теңге бөлінеді», - деп түсіндірді ол.

Бұдан өзге, Ұлттық қордан бөлінетін мақсатты трансферт аясында 4,8 млрд теңге 2017 жылғы универсиада нысандарына су бұру жүйесін дамытуға бөлінеді.

Министрдің мәліметінше, индустриалды-инновациялық даму бағдарламасын жүзеге асырудың екінші кезеңін іске асыруға 24,9 млрд теңге сомаға шығыстар қарастырылған, бұл бекітілген жоспардан 11,2 млрд теңгеге көп.