Астана. 20 қыркүйек. 7kun.kz – Қазақстандағы зейнетақының орташа мөлшері белгілі болды, деп хабарлайды 7kun.kz.

«2022 жылдың 1 қыркүйегіндегі жағдай бойынша зейнеткерлердің саны 2 миллион 253 мың. Сондай-ақ зейнетақы төлемдерінің орташа мөлшері 109 224 теңге», – делінген ҚР Еңбек және халықты әлеуметтік қорғау министрлігінің хабарламасында.

8 айда қазақстандықтарға 1,9 триллион теңгеден аса зейнетақы төленген. Қыркүйекте республикалық бюджеттен зейнетақы төлемдеріне 244,1 миллиард теңге бөлініп, оның ішінде 74,2 миллиард теңгесі базалық зейнетақыға, 169,9 миллиард теңгесі ынтымақты зейнетақыға төленген.