"Нұр Отан" партиясы төрағасының бірінші орынбасары тағайындалды деп жазады Ақорда баспасөз қызметі Twitter-дегі ресми парақшасында.

"Президент "Нұр Отан" партиясы төрағасының бірінші орынбасары қызметіне Асқар Мырзахметовты тағайындады", - делінген хабарламада. Асқар Мырзахметов осыған дейін ОҚО әкімі қызметінде болған еді. Оған дейін "Оңтүстік" әлеуметтік-кәсіпкерлік корпорациясының төрағасы (2007-2009 ж.ж), Өзбекстандағы Қазақстанның жедел әрі өкілетті елшісі болған. Сонымен бірге, ауыл шаруашылығы министрлігінде де басшылық қызметте істеген.