Алматы. 2 қазан. 7kun.kz — Бір жыл ішінде Қазақстаннан Ресейге тартылған тікелей инвестиция 155 миллион долларды құрады. Бұл Еуразиялық экономикалық одақ елдері арасындағы ең ірі инвестиция көлемі болды. Оны 2018 жылдың үш тоқсаны мен 2019 жылдың І тоқсанындағы статистикалық деректер куәландырады.

Беларусь бұл кезеңде Ресейге 62,6 миллион доллар, Армения - 3,9 миллион доллар инвестиция салған. Ал Қырғызстан, керісінше, 27 миллион доллар тартты.

Сонымен қатар, Ресей Қазақстанға 398,7 млн доллар инвестиция салды, осылайша, Одақтағы Қазақстанның басты инвесторы атанды. Қырғызстан елге 5,8 миллион АҚШ долларын инвестициялады, ал Қазақстан көрші мемлекетке 2,8 миллион доллар аударды.

ЕАЭО мүшелері тарапынан Қазақстанға инвестицияның жалпы көлемі 401,6 млн доллар. Аталған көрсеткіш бойынша Беларусь бірінші орында - 479,1 млн доллар тартты.

Жалпы, ЕАЭО-дағы өзара инвестициялардың жиынтық көлемі бір жыл ішінде 1,2 млрд долларға жетті.