Алматы. 3 мамыр. 7kun.kz — 2019 жылдың қаңтар-сәуір айларында Қазақстанда электр тартымымен 5 жеңіл автокөлік тіркелді. Бұл өткен жылдың ұқсас кезеңінен 4,4 есе төмен - 22 автокөлік. Мұндай мәліметтерді «ҚазАвтоПром» ұсынды.

Есептік кезеңде әкімшілік полиция органдары 453 070 автокөлік құралдарын есепке қойды, бұл өткен жылдың сәйкес көрсеткішінен 15,3% жоғары. Олардың 425 849 бірлігі иелерін ауыстырған, техникаларды қайта тіркеуге тура келді - өткен жылғы көрсеткіштен 14,7%-ға жоғары (371 416 бірлік). Алғашқы рет тіркелген көлік құралдарының үлесі 27 221 бірлікті құрады, бұл 2018 жылдың сәйкес мәнінен 25,7%-ға көп.

Сондай-ақ, 2019 жылдың сәуір айының қорытындысы бойынша есепке қойылған көлік құралдарының саны 129 082 бірлікке жетті. Оның ішінде 120 389 бірлігі қайталама нарықта қайта сатылды(2018 жылғы сәуірдің нәтижелерінен +18,0%).

Ағымдағы жылдың басынан бастап қайта тіркелген көлік құралдарының үштен екісінен астамы (70,6%) 10 жастан асқан техниканы құрады. Ең үлкен үлес 20 жастан асқан көлік құралдарына тиесілі (43,2% немесе 183 869 бірлік); 11 жастан 20 жасқа дейінгі көлік құралдары – 27,4% (116 748 бірлік); 4 жастан 7 жасқа дейін – 19,8% (84 353 бірлік); 8 жастан 10 жасқа дейін – 5,9% (24 921 бірлік); 1 жастан 3 жасқа дейін – 3,5% (14 966 бірлік); 1 жастан төмен - 0,2% (992 бірлік).

Автомобиль нарығындағы мәмілелердің серпіні бұрынғысынша отандық парктің жоспарлы қартаю үрдісін куәландырады. Осылайша, қайталама нарықта қайта сату кезінде 20 жастан асқан көлік құралдарының үлесі 2018 жылғы қаңтар-сәуірде 39%-дан есепті кезеңде 43,2%-ға дейін өсті. Ал 1-ден 3 жасқа дейінгі көлік құралдарының үлесі 4,6%-дан 3,5%-ға дейін қысқарды.

Жалпы, 2019 жылдың төрт айының қорытындысы бойынша қайталама тіркеулердің ең көп саны Алматы облысында (66 819 бірлік), Алматы қаласында (52 121 бірлік) және Түркістан облысында (41 281 бірлік) тіркелді. Алматы облысының тұрғындары 20 жастан асқан көлік құралдарының ең көп санын тіркеді (39 082 бірлік; 21,3%). Осы өлшем бойынша кейін Түркістан (20 941 бірлік; 11,4%) және Жамбыл (15 863 бірлік; 8,6%) облыстары да алдыңғы қатардан көрінді. Бір жастан кіші көлік құралдарының ең көп саны Алматы қаласында (292 бірлік; 29,4%), Атырау (90 бірлік, 29,4%) және Ақтөбе (71 бірлік; 7,2%) облыстарында қайта есепке қойылды.