Алматы. 15 ақпан. 7kun.kz – Осы аптаның басынан бастап «Қазақтелеком» АҚ акциялары арзандады.

Қазақстан қор биржасындағы (KASE) сауда қорытындысы бойынша телекоммуникациялық компанияның қағаздары 5,85%-ке төмендеп, 26 455 теңгеге сатылды.

Сондай-ақ, «ҚазТрансОйл» АҚ акциялары 1,3%-ке (1,382,01 теңге) және KEGOC акциялары 0,5%-ке (1,596 теңге) төмендеді.

Сонымен қатар, жасыл аймақта төрт эмитенттің қағаздары болды.

Халық банкінің акциялары ең үлкен өсім көрсетті (+3,5%). Қазір олар 103,3 теңгеден саудалануда. KAZ Minerals (+1,5%) және Kcell (+1,05%) қағаздары оң динамиканы көрсетті. Олар 3016 теңгеден және 1819,94 теңгеден саудаланады. ЦентрКредит Банкі акцияларының шамалы өсуі байқалады. Апта басынан бері олар 0,004%-ке қымбаттап, биржада 240,02 теңгеден сатылды.

Жалпы, KASE индексінің мәні жыл басынан бері 0,3%-ке төмендеп, 2311,8 пункт деңгейінде бекітілді.