Ресей Ауылшаруашылығын қадағалау басқармасының қызметкерлері Брянск пен Смоленск облыстарынан Украинаға  66 тонна балық консервісін қайтарып жіберді деп хабарлайды мекеменің баспасөз қызметі.

«ВИНТАР» орауыш бұйымдардың Винницалық зауыты» ЖШС өнімдерінің топтамасы жұма күні "Брянск-Льговский» теміржолының өткізу бекетіне келіп түскен. «Салмағы 66 тоннаға жуық жүк теміржол вагондары арқылы Украина ветеринарлық қызметі берген ветеринарлық анықтамамен Қазақстанға тасымалданып бара жатты. Бірақ, құжаттық тексеру кезінде ветеринарлық анықтамада тауардың қауіпсіздігі туралы ақпарат болмады»,-делінген хабарламада. Тауар сол себепті жіберушіге қайтарылған.