Астанада Аяз ата мен Ақшақар өте "құнды". Өйткені, үйге шақыру бағасы - 25 мыңнан, ал мерекелік кешке шақыру 18 мыңнан басталады. Бұл тек 30 минутқа ғана есептелетін шығын. Егер одан ұзақ болуын қаласаңыз, тағы да үстіне ақша қосасыз.

Астанадағы аниматорлық орталықтардың ең төменгі бағасы - 17 мыңнан басталады. Бұл тек Аяз ата мен Ақшақардың құттықтауы үшін ғана төленетін шығын. Егер шоу-бағдарлама, басқа да кейіпкерлерді шақырғыңыз келсе, бұдан да қымбатқа түсері анық. Алматыдан хабарландыру бойынша  Аяз ата мен Ақшақар іздеп көрдік. Нақты орташа баға - 15 мың мен 30 мың аралығында екен. Мәселен, "Шоу-Центр" орталығы 30 минут үшін 22 мың теңге алады екен. Орталық басшысы Оксана Олегтің айтуынша, 2000-нан астам шараға қатысқан аниматорлар орталығына шақырту жиі түседі. [caption id="attachment_99900" align="alignleft" width="300"] ©Жеке мұрағаттан[/caption] [su_quote]"Үйге де, мерекелік шараға да бара береміз. Мерекелік шарадағы талабымыз - 15 баладан көп болмау керек. Егер одан көп болған жағдайда бағасын да көтереміз", - дейді ол.[/su_quote] Атырау қаласындағы мерекелік шараға Аяз атаны шақыру ақысы 10 мың теңгеден басталады екен. Ал үйге шақыру 20-45 мың аралығында болады. 3 жылдан бері осы кәсіппен айналысып келе жатқан "Алақай" театрының мүшесі Айдана Ақсисенованың айтуынша, Жаңа жыл қарсаңында тапсырыс өте көп түседі. Әрі бағасына да жергілікті халық аса бір назар аудармайды екен.   [caption id="attachment_99898" align="alignright" width="289"] ©"Алақай" театрының жеке мұрағатынан[/caption] [su_quote]"Атырау қаласындағы "Алақай" театры 3 жылдан бері жұмыс істеп келеді. Бастапқыда тегін қойылым қойдық. Театрдың мақсаты - кішкентай балаларды бұрын ұмтылып қалған ертегілеріміз бен жырларымызды қазіргі мультфильм кейіпкерлері арқылы қазақша қызықты етіп көрсету. Театрымыз студент жастардан құрылған. Мұнда студенттер бос уақытын тиімді өткізумен қатар, керекті қаражатты да таба алады. Театрымыз дамып келе жатыр. Көптеген конкурстарға қатысып келдік. Жаңа жылда өте көп тапсырыс түседі. Аяз ата мен Ақшақар ретінде шақырғандарға құнымыз - 15-20 мың теңге. Үйге де, мерекелік шараға да осы бағамен барамыз. Бағдарламамызда түрлі шоулар мен ертегілер, ойындар және билер бар. Кемі 45 минуттан 1 сағатқа дейін созылады", -  дейді театрдың мүшесі Айдана Ақсисенова.[/su_quote] Қазақстандағы әр аймақ бойынша Аяз ата мен Ақшақарды шақыру құнына орташа талдау жасадық.

Қала атауы	Мерекелік кешке шақыру (тг)	Үйге шақыру (тг)
Астана	18000-50000	20000-70000
Алматы	12000-нан басталады	15000-50000
Шымкент	4000-10000	8000-20000
Тараз	5000-7000 (1 сағ.)	8000-нан басталады
Талдықорған	6000-1000	8000-нан басталады
Ақтөбе	15000-нан басталады	12000-нан басталады
Атырау	10000-нан басталады	20000-45000
Орал	5000-нан басталады	10000-30000
Көкшетау	6000-15000	8000-25000
Ақтау	10000-50000	15000-50000
Семей	8000-15000	8000-15000
Өскемен	7000-нан басталады	10000-30000

Еліміз бойынша ең қымбат баға - Астанада болса, ең төменгісі - Шымкентте екен. Басқа қалаларда Аяз атаның шақыру құны уақытына байланысты өзгеріп отырады.