Алматы. 19 сәуір. 7kun.kz - Алматыда қоғамдық көліктерде жол жүру үшін сараланған тариф енгізілуі мүмкін. «Көлік туралы» заңға өзгерістер енгізу мәселесі Парламент Мәжілісінде бекітілген. Бұл туралы «Алматы» телеарнасы хабарлады.
Құжат қазір сенаторлардың қарауына жіберілді. «Оңай» картасы арқылы төлем жасайтындарға жолақы 80 теңге болып қалады. Ал қолма-қол ақша төлейтіндер үшін билет құны 120 теңгеге дейін өсуі мүмкін.
«Бізде қазір жолақы төлеудің 2-ақ түрі бар. Карточка арқылы немесе жеңілдетілген 1 айлық жол жүру билетін аласыз. Енді қоғамдық көлікті жиі қолданбайтын болсаңыз, 10-50 рет жол жүруге карточка аласыз, 1 жылдың ішінде 10-ақ рет жүрсеңіз, бұл карточка сізге 1 жылға жетеді. 1 айдан кейін күйіп кетпейді»,- деді Жолаушылар көлігі және автомобиль жолдары басқармасының басшысы Мақсұт ИСАХОВ.
