Алматы. 12 маусым. 7kun.kz - 2016 жылдың соңына қарай «Air Astana» 3,8 млн адам тасымалдады, әуе тасымалдаушы нарығында компания үлесі 62,5% құрады. Олардың ішінде 55,7% (2,1 млн адам) ішкі рейстердегі және 44,3% (1,7 млн адам) халықаралық тасымалдаулар болды.  Бұл туралы Finprom.kz хабарлады.

2012 жылдан 2016 жылға дейін әуе компаниясының жолаушылар тасымалы 500 мың адамға артты. Сонымен қатар, жаңа әуе тасымалдаушылары пайда болуына байланысты компанияның үлесі 72,2%-дан 62,5%-ға дейін төмендеді.

Әуекомпанияның қарамағында 31 ұшақ бар, 2020 жылға қарай олардың саны 35-ге дейін ұлғайту жоспарлануда. Компанияның ұшақтары 65 бағытта ұшады, оның ішінде 44-і отандық және 21-і халықаралық бағыттар.

Алайда, интеграциялық үдерістерге және Астананың жетекші халықаралық қаржы орталықтарымен тығыз ынтымақтастығына байланысты «Air Astana» Нью-Йорк, Токио және Сингапурға тікелей әуе бағыттарын кеңейтуді жоспарлап отыр. Әлемдегі ең ірі қаржылық орталықтар мен «бір терезе» принципін қосатын тікелей рейстер АХҚО-нан әлеуетті инвесторлар мен қатысушыларды көлік кедергілерінен босатып, Астананың қаржы хабы ретінде тартымдылығын арттырады.

Қазіргі уақытта әуекомпанияның тек екі акционері бар. Олар 51% акциясын иемденетін «Самұрық-Қазына» ҰӘҚ және BAE Systems британдық корпорациясының еншілес кәсіпорны болып саналатын BAE Systems (Kazakhstan) Limited. Ол алдыңғы қатарлы қорғаныс және аэроғарыштық жүйелерді ауада, жерде, теңізде және ғарышта қамтамасыз етеді.

ІРО өткізілгеннен кейін ұсынылған акционерлер құрамында «Самұрық-Қазына» ұлттық әл-ауқат қоры (26%), BAE Systems (Kazakhstan) Limited (24%), қазақстандық инвесторлар (25%) және басқа инвесторлар (жергілікті және шетелдік) (25%) болады. Осылайша, компания ұлттық әуе тасымалдаушысы мәртебесін сақтап қалады және Халықаралық инвесторлар қорларымен АХҚО (AIX) биржасында капиталдандыру мүмкіндігіне ие болады.

«Самұрық-Қазына» ҰӘҚ еншілес компанияларын жекешелендіру негізгі міндеттердің бірі болып табылады, оны іске асыру компаниялардың өздері үшін де, бүкіл Қазақстан экономикасы үшін де мультипликативтік әсер етеді.

«Air Astana», «Қазақтелеком», «Қазатомөнеркәсіп» АҚ - 2019 жылға дейінгі АХҚО биржасында IPO-ға алғашқы үш үміткер. Ірі мемлекеттік корпорацияларды жекешелендіру үдерісі қор нарығын жандандырып, оны шетелдік және жергілікті инвесторлардың өтімділігімен толықтырады. Бұл Қазақстандағы ғана емес, сондай-ақ ЕАЭО елдерінің компанияларының АХҚО биржасының әлеуетін пайдалана отырып IPO және SPO* -ға толық ауқымды шығуына үлгі болады.