Қазақстанға шетелдік көліктерді кіргізу үшін ресми өндірушілерден рұқсат алу қажет. Бұл туралы инвестиция және даму министрлігі хабарлайды.

"Лицензиялауымыздың мақсаты автонарықты шектеу емес, тұтынушыларды заңсыз автокөлік тасымалдаушылардан қорғау. Сондай-ақ ҚР-ның көлік сервисі саласын жоғары сапамен қамтамасыз етпекшіміз. Оған тек ресми өкілдер ғана кепілдік бере алады", - делінген министрлік хабарламасында.  Бұл жерде автобустар, жеңіл және жүк көліктері туралы айтылып отыр. Ведомство өкілдерінің айтуынша, мұндай бұйрық қабылдауға шетелдік автомобиль техникасының импортын реттеу қажеттілігі себеп болған. Сондай-ақ, кіргізген автокөліктердің сатылымы үшін сатушылар мен импортшылардың жауапкершілігі күшейе түсуі қажет.