«АгромашХолдинг» АҚ мен «СарыаркаАвтоПром» ЖШС өндіріс көлемінің азаюына байланысты жұмысын уақытша тоқтатты.  Бұл туралы AllurGroup компаниясынан хабарлады.

«28 желтоқсан мен 22 қаңтар аралығында жұмыс тоқтатылды. Себеп –өндіріс көлемінің азаюы, қосалқы бөлшектердің жоқтығы», - дейді компанияның баспасөз хатшысы А.Синева. Оның айтуынша, екі кәсіпорындағы 1300 жұмыскерлердің жартысынан көбі демалысқа жіберілген. «Коммерциялық құрылымдар жұмыс істеуде. Өндіріс тоқтап тұр», - дейді баспасөз хатшысы. Аталған екі компания AllurGroup құрамына кіреді. SsangYong, Peugeot, Toyota жеңіл көліктері мен Iveco жүк көліктерін шығарады. 2015 жылы кәсіпорындарда 5 949 автокөлік шығарылған.