Алматы. 20 желтоқсан. 7kun.kz – 2022 жылғы қарашада Қазақстанда өткен жылдың сәйкес айымен салыстырғанда кітаптар 16,5 %-ға қымбаттады, деп хабарлайды Ұлттық статистика бюросы.

Өңірлік арасында кітап бағасы Ақмола облысында ең қатты өскен – 43,4%.  Сонымен қатар ең жоғары өсім байқалған өңірлер бестігіне Түркістан облысы (41,4%), Астана қаласы (38,3%), Қостанай облысы (28,9%) және Атырау облысы (24,9%) кірді. Баға Маңғыстау облысында ғана өзгеріссіз қалды.

Кітаптардың соңғы 10 жыл ішіндегі ең жоғары қымбаттауы (жылдық) 2016 жылдың тамызында тіркелді. Ол кезде баға 26,4%-ға өсті.

Айта кетейік, елде 3 920 кітапхана жұмыс істейді, оның төртеуі – электрондық.