Туысыма несие алып берген едім. Ол төлемей қойды. Өзім төлеуге мүмкіндігім жоқ. Не істесем болады?

Жарқын, әлеуметтік желі арқылы жолданды Несие сіздің атыңызға рәсімделсе, онда оның орындалу жауапкершілігі сіздің мойныңызда болады. Өйткені банкке барып, несиеге өтініш беріп, рәсімдеген, шартқа қол қойған, банктен ақшаны алған сіз. Ал несиеге алған ақшаңызды үшінші адамға берер кезде қолхат алып немесе басқа жолдармен қарыз бергеніңізді айғақтап алу керек еді. Бұл мәселе бойынша банктен бұрын туысыңызбен шешу қажет. Егер туысыңыз қаражатты қайтарса, банк алдындағы міндеттемеңізді өтеуіңіз қажет.