Қазақстан мұнай өндіруді тәулігіне 300 мың баррельге дейін қысқартады

27
52
Фото: Life.ru

Алматы. 18 наурыз. 7kun.kz – Қазақстан сәуір айында мұнай өндіруді тәулігіне 300 мың баррельге қысқартады, деп хабарлады Кеңес Одағының телеграф агенттігі.

Энергетика министрі Қанат Бозымбаевтың айтуынша, Қашаған және Теңіз ірі кен орындарындағы жөндеу жұмыстарына байланысты өндіру көлемі азаяды.

«Қазір біз тәулігіне 130 мың баррельге қысқарттық. Сәуір айында одан да көп болады – минус 300 мыңға шығамыз», – деді министр.

Айта кетейік, бұған дейін Бозымбаев Қазақстан наурыз айының ортасынан бастап шикізатты өндіруді тәулігіне 200 мың баррельге қысқартуды жоспарлап отырғанын мәлімдеді. Оның хабарлауынша, бұл қадам Қазақстанға наурыз айында ОПЕК+ келісімі аясында өз квотасын орындауға мүмкіндік береді.

Қазақстан 2019 жылдың қаңтар және ақпан айларында ОПЕК+ келісімі аясында мұнай өндіруді аздаған ауытқумен қысқарту бойынша міндеттемелерін орындады. Келісім-шарт аясында мемлекет өндіруді тәулігіне 40 мың баррельге төмендетуі тиіс еді.

Ал 2018 жылы Қазақстанның мұнай өндірісі рекордтық 90,3 млн тоннаны құрады.