Қазақстандағы Альфа-Банк сатылады

Альфа-Банк қаржы институтын сату туралы келіссөздер жүргізуде, деп хабарлайды 7kun.kz.

Қаржы институтының басқарушы директоры Андрей Тимченко бұл мәмілені жүзеге асыру бойынша бірқатар банктермен келіссөздер жүргізіліп жатқанын айтты. Тілек білдірушілер тізімінде жергілікті және шетел өкілдері бар.

«Біз банк акционерлерінің ауысуы үшін бірқатар инвесторлармен жұмыс жүргізудеміз. 10-нан астам инвестор біздің құжаттарымыз мен қаржылық есептерімізді зерттеп жатыр. Мен акционерлерді бірнеше күн болмаса, бірнеше апта ішінде өзгеретіні туралы келісім жасай аламыз деп сенемін», – деді Тимченко.

Сондай-ақ, Тимченко банк жалпы сомасы 100 млрд теңгеге несие портфелін сату туралы келіссөздер жүргізуге ниетті екенін хабарлады. Бұл транзакциялар бойынша белгіленген лимиттерді алып тастау мен банктің барлық сервистерін қалпына келтіру туралы мәселені тезірек шешуге көмектеседі.

Әзірге Альфа-Банкте қаражатты шешу және аудару лимиттері сақталады. Олар клиенттерге күнделікті операцияларды орындауға мүмкіндік береді.

Еске салайық, сәуірде Сбербанк пен Альфа-Банктің қазақстандық еншілес ұйымдарына санкциялар салынған болатын.

Ұлттық Банктің дерегінше, 1 наурыздағы жағдай бойынша Альфа-Банктің активтері шамамен 908,6 млрд теңгені, ал несие портфелі 564,3 млрд теңгені құрады.