Forbes журналы 2015 жылы жоғары технологиялар саласында табысқа жеткен кәсіпкерлер тізімін жариялады. Бірінші орынды 79,6 млрд доллармен әлемнің ең бай адамы болып саналатын Билл Гейтс иеленеді. Оның байлығының 13 пайызы Microsoft акцияларына салынған.

Екінші орында 50 млрд долларымен Ларии Эллинсон тұр. Oracle-дың негізін қалаушы қазір компанияның директорлар кеңесінің төрағасы және техникалық директор қызметін атқарады. Үшінші орында - Джеф Безос. Оның капиталының 90 пайызын ($47,8 млрд) Amazon акциялары құрайды. Жыл басынан бері Дж. Безостың дәулеті Amazon-ның нарықтық құны күрт өсіп кетуіне байланысты 13 млрд долларға көбейді. Тізімдегі Топ-10

1. Билл Гейтс, Microsoft негізін қалаушы— $79,6 млрд.
2. Ларри Эллисон, Oracle негізін қалаушы— $50 млрд.
3. Джеф Безос, Amazon негізін қалаушы — $47,8 млрд.
4. Марк Цукерберг, Facebook негізін қалаушы — $33,4 млрд.
5. Ларри Пейдж, Google негізін қалаушы— $29,7 млрд.
6. Сергей Брин, Google негізін қалаушы— $29,2 млрд.
7. Джек Ма, Alibaba Group негізін қалаушы— $22,7 млрд.
8. Стив Балмер, Microsoft-тың бұрынғы бас директоры — капиталы белгісіз
9. Лорен Пауэлл Джобс, Стива Джобс жесірі — $19,5 млрд.
10. Майкл Делл, Dell негізін қалаушы — $19,2 млрд.

Ресейлік Mail.Ru Group-тың бірлескен иесі Юрий Мильнер 3,3 млрд долларымен 62-орынға тұрақтады. Ең бай ІТ-бизнесмендердің жүздігінде 51 америкалық, 8 еуропалық, 2 израилдік, бір латиноамерикалық және Азия-Тынық мұхиты аумағының 33 өкілі бар. Дегенмен жалпы жүздіктің 40-ы Калифорнияда тұрып, жұмыс істейді. Кәсіпкерлердің жалпы байлығы 842,9 млрд доллар деп бағаланып отыр. Тізімде тек жеті әйел ғана бар. Рейтингтегі дәулеттілердің орташа жасы -53.