Стэмфорд. 10 августа. 7kun.kz - 2016 жылы әлемде ақпарат қауіпсіздігі үшін жұмсалатын қаржы 7,9%-ға өсіп, 81,6 млрд долларға дейін жетеді. Мұндай болжамды Gartner Inc. зерттеу компаниясы жасап отыр.

2018 жылы ұйымдардың 90%  деректердің жоғалуына жол бермеу үшін кем дегенде бір интеграцияланған жүйені пайдаланатын болады. Қазіргі уақытта бұл көрсеткіш 50%-ды құрайды.

Зерттеу нәтижесінде хабарланғандай, әлем бойынша 2015 жылы қауіпсіздікті қамтамасыз ету бағдарламаларын сатудан түскен табыс 3,7%-ға артып, 22,071 млрд долларға жеткен.

Ал қауіпсіздік бағдарламаларды негізгі жеткізушілердің бірі - Symantec. Оның жаһандық нарықтағы үлесі 15,2%-ды құрады.