Алматы. 5 ақпан. 7kun.kz - Бұл туралы Қазақстан республикасының Ұлттық банкінің баспасөз қызметі хабарлады.  Ұлттық банктің баспасөз қызметі берген ақпаратқа сүйенсек, 2017 жылғы тауарлар экспорты бір жылда 32,2 пайызға немесе 12,0 млрд АҚШ долларына ұлғайып, 49,3 млрд долларды құраған. Мұнай және газ конденсатының экспорты бағалары нақты жеткізу көлемінің өсуі, оның ішінде «Қашаған» кен орнында өндірудің басталуына байланысты өсуі есебінен 37,8 пайызға өскен. Қара және түсті металдар экспорты тиісінше 51,6 пайыз және 27,1 пайызға артқан. Тауарлар импорты бір жылда 13,1 пайызға ұлғайып, 31,8 млрд АҚШ доллары болды.  Бұл ретте, өткен жылдың екінші жартысында импорттың өсу қарқынының баяулауы байқалады.