Алматы. 12 желтоқсан. 7kun.kz –  2018 жылы Қазақстанда астық жинау 22,8 млн тоннаны құрады, деп хабарлады Ауыл шаруашылығы вице-министрі Арман Евниев.

"Ағымдағы жылы гектарынан 15 центнер өнімділікпен 22,8 млн тонна астық жиналды", - деді А. Евниев. Ал, өткен жылы Қазақстанда бункерлік салмақта 21,9 млн тонна астық жиналды. Ағымдағы ауыл шаруашылығы жылында Қазақстанның экспорттық әлеуеті 9 млн тонна деңгейінде бағаланады, оның ішінде 6 млн тонна астық, 2,1 млн тонна ұн, қалғаны бұршақ дақылдары.