Қазақстанның алтын валюталы қоры Ұлттық банктің жалпы ішкі резерві мен Ұлттық қордың қазынасын  қосқанда, 2016 жылдың қаңтар айында 90,643 млрд долларды құрады, яғни бір ай ішінде 1%-ға азайған. Ұлттық қордың активтері бір ай ішінде 0,2% көбейіп, 63,647 млрд долларды құрады. Ұлттық банктің халықаралық қоры  өткен ай ішіне  0,8 пайызға көбейіп, 28,193 млрд доллар болды. Сондай-ақ,  Ұлттық банктің жалпы халықаралық резервтері қаңтар айында 3,2%-ға қысқарып, 26,996 млрд долларға жетті. Ал Ұлттық банктің таза халықаралық резервтері өткен айда 3,3%-ға төмендеп, 26,103 млрд долларды құрады. 2016 жылдың қаңтар айындағы активтері 6,3 пайызға азайып, 19,017 млрд долларға жетті. Алтын түріндегі активтер 5,3 пайызға өсіп, 7,979 млрд долларды құрады. Фото: astana-akshamy.kz