Қазақстанда шығарылған автокөліктер Тәжікстанға экспортталады

26 июня, 2017

Алматы. 26 маусым. 7kun.kz - AllurGroup компаниясы Тәжікстанға экспортталатын JAC автокөліктерінің алғашқы партиясын тиеп бітті. "Азия Групп Таджикистан" холдингіне арналған 55 автокөліктің сомасы 600 мың АҚШ долларын құрайды.

Жоба барысында JAC автокөлігінің 1000 данасы жеткізілуі керек. Жобаның жалпы құны - $10,5 млн деп бағаланып отыр.

2017 жылдың алғашқы бес айында 341 дана қазақстандық автокөлік экспортталған. Ал Тәжікстанға жеткізілетін көліктер бұл кеөрсеткішті 16 пайызға ұлғайтады.

Бұған дейін 2017 жылдың сәуірінде AllurGroup компаниясы экспорттық сақтандыру «KazakhExport» компаниясы және Тәжікстандағы Қазақатсан елшілігінің қолдауымен "Азия Групп Таджикистан" холдингімен бірге келісімгне қол қойған еді. Келісім аясында 2018 жылдың соңына дейін Тәжікстан астанасының таксоматорлық станциясына арналған қазақстандық автокөліктер жеткізілуі тиіс.

Сатып алушылардың айтуынша, жоғары өтімділігі мен қолайлы бағасының арқасында таңдау қостанайлық JAC S3 кроссоверлеріне түскен.

Душанбеге жеткізілетін барлық автокөліктер «СарыаркаАвтоПром» күшімен шығарылған. Компания экспорттың ұлғаюына байланысты Қостанайдағы AllurGroup зауытында өндіріс көлемі арта түскен.

Дереккөз: Курсив