Дунаев Арман Ғалиасқарұлы 1988 ж. С.Киров атындағы Қазақ мемлекеттік университетін «саяси экономия» мамандығы бойынша білім алған. 1992 жылы – М.Ломоносов атындағы Мәскеу мемлекеттік университетін тәмамдаған, экономика ғылымдарының кандидаты атанды. Қазір ол "Алтын банк" АҚ Директорлар кеңесінің төрағасы.
Мансабы:
2003 жылғы маусымнан бастап 2004 жылғы наурыз бойынша кезеңде «Ұлттық инновациялық қор» АҚ Басқарма Төрағасы лауазымын атқарған.
2004 жылғы наурыздан бастап 2004 жылғы сәуір бойынша аралықта – Қазақстан Республикасының бірінші қаржы вице-министрі.
2004 жылғы сәуірден бастап 2006 жылғы ақпан бойынша аралықта – Қазақстан Республикасының қаржы министрі.
2006 жылғы қаңтардан бастап 2008 жылғы қаңтар бойынша аралықта – Қазақстан Республикасы Қаржы нарығын және қаржы ұйымдарын реттеу мен қадағалау агенттігінің төрағасы.
2008 жылғы қаңтардан бастап 2008 жылғы қазан бойынша аралықта – «Қазына» тұрақты дамыту қоры» АҚ Басқарма Төрағасы.
2008 қарашадан бастап 2011 жылғы мамыр бойынша аралықта – «Самұрық-Қазына» ұлттық әл-ауқат қоры» АҚ Басқарма Төрағасының орынбасары.
2011 жылғы желтоқсаннан бастап 2012 жылғы ақпан бойынша аралықта – «Самұрық-Қазына» ұлттық әл-ауқат қоры» АҚ Басқарма Төрғасының кеңесшісі.
Қосымша мәліметтер:
2008 жылғы қарашадан бастап 2011 жылғы маусым бойынша аралықта – «Қазына Капитал Менеджмент» АҚ Директорлар кеңесінің Төрағасы.
2008 жылғы желтоқсаннан бастап осы уақытқа дейін – «Стрестік активтер қоры» АҚ Директорлар кеңесінің Төрағасы.
2009 жылғы ақпаннан бастап 2011 жылғы тамыз бойынша аралықта – «БТА Банк» АҚ Директорлар кеңесінің Төрағасы.
2009 жылдан 2013 жыл бойынша аралықта – Түркия Sekerbank-інің Директорлар кеңесінің мүшесі.
2012 жылғы желтоқсаннан бастап қазіргі уақытта – «Tele2» ЖШС Директорлар кеңесінің жанындағы Кеңесшілер комиетінің мүшесі.
2013 жылдың қыркүйегінен бастап қазіргі кезге дейін – "Қазақстан Халық Банкі" АҚ директорлар Кеңесінің мүшесі.
Похожие материалы
