Алматы. 26 сәуір. 7kun.kz - Brent сұрыпты мұнайдың әлемдік бағасы орташа алғанда 2017 жылы бір баррель үшін 54,4 АҚШ долларға дейін 23,5%-ға (2016 жылы – бір баррель үшін 44,0 АҚШ доллар) өсті. Қазақстанның ІЖӨ-нің жедел өсу қарқыны төлем балансының ағымдағы операциялар шоты дефицитінің 2016 жылғы 8,9 млрд АҚШ долларымен (ІЖӨ-ге 6,5%) салыстырғанда 5,4 млрд АҚШ долларынан дерлік 40%-ға қысқаруын қамтамасыз етті.

2016 жылмен салыстырғанда ағымдағы шоттың жай-күйінің жақсаруы сауда балансы профицитінің екі есе өсуіне себепші болды. Ол 17,4 млрд АҚШ доллар (2016 жылы 9,2 млрд АҚШ доллар) болды. Бұл ретте 2017 жылғы 4-тоқсанда сауда балансының профициті соңғы үш жылдағы ең көп мәнге жетті және 5,3 млрд АҚШ доллары (2015 жылдан бастап сауда балансының тоқсандық сальдо көрсеткіші 1,8-дан 4,3 млрд АҚШ долларына дейін өзгерді) болды.

Тауарлар экспорты 2017 жыл үшін 32,3%-ға ұлғайды немесе 12,0 млрд АҚШ доллары және 49,3 млрд АҚШ доллары болды. Мұнай және газ конденсаты экспортының құны (жалпы экспорттан 55,0%) 37,8%-ға, қара металл – 52,2%-ға, түсті металдар – 27,3%-ға өсті.

Тауарлар импорты 13,5%-ға ұлғайды және 31,8 млрд АҚШ долларын құрады. Импорт құнының өсуі негізгі тауар номенклатурасының барлық топтары бойынша болды. Импорттың ең көп ұлғаюы азық-түлікке жатпайтын тұтыну тауарларын және аралық өнеркәсіптік тұтыну тауарларын әкелу (ресми импорттан 36,4%) – тиісінше 22,5% және 15,4%-ды құрады.

Шикізат экспортынан түскен кірістердің өсуі бейрезиденттерге тікелей инвестициялардан түскен кірістерді төлеудің 16,3 млрд АҚШ долларына дейін 41,9%-ға өсуіне себепші болды, осы кірістердің үштен бірі Қазақстанның еншілес кәсіпорындарын қаржыландыруға бағытталды.