Алматыда Алатау ауданы Ясная поляна көшесі 6 мекенжайында орналасқан дүкеннің шатырынан өрт шықты. Бұл туралы қалалық ТЖД баспасөз хатшысы Сандуғаш Баймұхамбетова хабарлады.

Оның айтуынша, өрт туралы хабарлама түнгі сағат 1:55-те түскен. Өрт сөндірушілер тілсіз жауды жарты сағатта ауыздықтаған. Қызыл жалын 40 шаршы метр аумақты жарамсыз етті. Абырой болғанда, жапа шеккендер жоқ. Қазір өрттің шығу себептері анықталуда. ҚазАқпарат