Алматы. 2 тамыз. 7kun.kz – Алматы полициясы Есентай өзенінде көлікпен жүрген жүргізушіні іздестіріп жатыр, деп хабарлайды 7kun.kz.

Әлеуметттік желілерде ақ түсті Lada Priora-ға ұқсас көлік Есентай өзенімен жүргені байқалатын видео тарады.

«Алматы қаласы жергілікті полиция қызметі басқармасы бұл дерек бойынша тексеріс жұмыстарын бастады. Құқықбұзушы міндетті түрде анықталып, жауапқа тартылады. Мұндай әрекеттерге рұқсат етілмейді. Бұл хайп мақсатында жасалғанын жоққа шығармаймыз», –  деді Алматы Полиция департаментінің ресми өкілі Салтанат Әзірбек.

Қазнетте видео қызу талқылануда.