Алматы. 29 шілде. 7kun.kz – Сот Наурызбай ауданында салынып жатқан «Qadam» тұрғын үй кешенін сүру туралы шешім шығарды. Бұл туралы қала әкімдігінің баспасөз қызметі хабарлады.

Қала құрылысын бақылау бөлімі жүргізген тексеру барысында бірқатар заң бұзушылықтар анықталды. Оның ішінде сәулет, қала құрылысы және құрылыс қызметі саласында кемшіліктер тіркелді.

Төрт қабатты тұрғын үйдің құрылысы тиісті рұқсат құжаттарсыз басталғаны анықталды.

«Сот шешімімен заңсыз салынған нысанды бұзу туралы талап қанағаттандырылды. Шешімнің заңды күшіне енуі күтілуде», – деп хабарлады ведомствода.

Әкімдік тұрғындарға жылжымайтын мүлік сатып алмас бұрын салынып жатқан үй туралы ақпаратты тексеріп, +7 (727) 229 81 3 6жедел желісі бойынша құжаттар пакетінің болуын сұрауға кеңес берді.

Еске салайық, бұған дейін Алматыда «Жайсан» ТК мен PineHills элиталық ТК-нің бір қабатын бұзу туралы шешім қабылданған еді.