Астана. 19 маусым. 7kun.kz - Қазақстан Airbus-тың Defence&Space тапсырысын орындауға кірісті. Бұл туралы Қорғаныс және әуе-ғарыш министрлігі хабарлады.

Келісім бойынша, Қазақстан жалпы құны 60 млн еуро болатын жер серіктері бөлшектерін өндіреді. Қазіргі уақытта күн өткізгіштері мен экран-вакуумды термоизоляция өндірісі басталып кетті.

Контракт Астанада "Ғарыш аппараттарын жинақтау және сынақтан өткізу кешенінің" қолданысқа енгізілген уақыттан бастап алғашқы 5 жыл көлемінде жұмыс істейді.

Бұған дейін хабарлағанымыздай, Airbus қазақстандық бөлшектерді байланыс серіктерін жасауға,  Жерді және ғылыми-технологиялық серіктерді қашықтықтан бақылауға қолданады.

Айта кетейік, бұған дейін Airbus ірі лайнердің жаңа нұсқасын ұсынған болатын.