Алматы. 13 шілде. 7kun.kz - 2017 жылдың қаңтар-мамырында Қазақстанның сыртқы сауда айналымы 29,9 млрд долларға жетті. Бұл туралы LS хабарлады.

Бұл көрсеткіш 2016 жылмен салыстырғанда 29,2 пайызға көп.

Елімізде экспорт  - 37,6 пайызға өсіп, 19 миллиард долларды құрады. Ал импорт 10,9 миллиард долларға жетті.

2017 жылы Италияға  3,6 млрд доллардың, Нидерландыға 1,9 млрд доллар, Ресейге 1,8 млрд доллар, Францияға 1,3 млрд доллар және Швейцарияға 1,1 млрд доллардың тауары экспортталды.

Ал Ресейден 4,2 млрд доллар, Қытайдан 1,6 млрд доллар, Германиядан 584,5 млн доллар және АҚШ-тан 574,6 млн доллар көлемінде импорт жасалды.