Алматы. 11 маусым. 7kun.kz - Қытай Қазақстанға 118 миллиард теңгені құрайтын несие береді. 20 жылда кері қайтарылуы тиіс қомақты қаржы шекара бекеттерін жаңартуға жұмсалмақ. Бұл туралы Елбасының Қытайға сапары барысында белгілі болды, деп хабарлайды КТК.

Сондай-ақ, Президенттің Қытайдың ірі бизнес өкілдерімен кездесуінен кейін Қытаймен құны 13 миллиард долларға жететін 13 келісімге қол қойылған. Қытай даму банкі мен «Си ЭнПиСи», «China General», «China Petrolium» секілді компаниялар Қазақстанға миллиардтап қаржы құйуға дайын. Оларды қызықтыратыны мұнай-газ,телекоммуникация, көлік, авиация мен ауыл шаруашылығы саласы.