Бірыңғай жинақтаушы зейнетақы қорының (БЖЗҚ) зейнетақы активтері 2015 жылдың 1 қаңтар мен 31 қазан аралығында  10,2%-ға артты деп хабарлайды Ұлттық банктің баспасөз қызметі.

2015 жылы Ұлттық Банк БЖЗҚ зейнетақы активтерін жалпы сомасы 971,6 млрд. теңгеге инвестициялады, оның ішінде:

• Қазақстан Республикасының мемлекеттік бағалы қағаздарына инвестициялар көлемі жылдық 8,14% орташа алынған кірістілікпен 419,0 млрд теңгені құрады;
• квазимемлекеттік ұйымдардың бағалы қағаздарына инвестициялар көлемі жылдық 8,13% орташа алынған кірістілікпен 105,1 млрд теңге болды;
• екінші деңгейдегі банктердің қаржы құралдарына инвестициялар көлемі жылдық 9,03% орташа алынған кірістілікпен 371,6 млрд теңге болды;
• еурооблигацияларға инвестициялар көлемі жылдық 6,73% орташа алынған кірістілікпен 70,1 млрд теңге болды;
• қазақстандық эмитенттердің акцияларына инвестициялар көлемі 5,8 млрд. теңге болдыТұтастай алғанда, Ұлттық Банк 2015 жылы жүзеге асырған барлық жаңа инвестициялардың кірістілігі жылдық 8,33%-ды құрады.

Бүгінгі күні БЖЗҚ зейнетақы активтерінің мөлшері 5,5 трлн. теңгені құрайды. 2014 жылғы 1 қаңтардан басталған кезеңде БЖЗҚ зейнетақы активтерінің кірістілігі  17,1% болды.