Алматы. 25 қараша. 7kun.kz — 2019 жылдың бірінші жартыжылдығында денсаулық сақтау саласында көрсетілген қызметтер көлемі 17,1%-ға артып, 628,6 млрд теңгені құрады. Оның ішінде 76,6% немесе 481,2 млрд теңге — бюджет есебінен; 15,8% немесе 99,1 млрд теңге — халықтан алынған қаражат есебінен; 7,7% немесе 48,3 млрд теңге — кәсіпорындар қаражаты есебінен. Мұндай деректерді finprom.kz ұсынды.

Қызметтердің ең көп көлемі аурухана ұйымдарының қызметіне байланысты болды: 341,9 млрд теңге. Жалпы, 2018 жылдың 12 айында денсаулық сақтау қызметтерінің көлемі 1,2 трлн теңгені құрады, бұл 2017 жылмен салыстырғанда 6,4%-ға көп.

2019 жылдың тоғыз айының қорытындысы бойынша мемлекеттік бюджеттен денсаулық сақтау саласына 858,8 млрд теңге бөлінді — өткен жылдың сәйкес кезеңімен салыстырғанда 4,7%-ға артық (820,4 млрд теңге).