Алматы. 5 ақпан. 7kun.kz — Қазақстан қор биржасында шетел валюталарына қатысты таңғы сауда сессиясы аяқталды. Нәтижесінде 5 ақпандағы доллардың орташа бағамы 322,45 теңге болды. Бұл туралы биржаның (KASE) ресми сайтында хабарланды.

KASE ақпаратына сәйкес, АҚШ долларына қатысты сауданың төменгі курсы 322 теңгені құрады. Жоғарғы курс – 322,97, сауданың аяқталуы кезінде 322,24 теңге болды. Таңғы сессияда сауда көлемі 41 млн 550 мың доллар болды. Валюта операциясына байланысты келісім саны — 149.

Ақша айырбастау орындарында 5 ақпандағы доллардың жоғары курсы (Алматы уақытымен – 11.20) Алматыда 324,10 теңгені құраған.