Алматы. 10 сәуір. 7kun.kz — Қазақстан қор биржасында шетел валюталарына қатысты таңғы сауда сессиясы аяқталды. Нәтижесінде  10 сәуірдегі доллардың орташа бағамы 324,62 теңге болды. Бұл туралы биржаның (KASE) ресми сайтында хабарланды.

KASE ақпаратына сәйкес, АҚШ долларына қатысты сауданың төменгі курсы 323,50 теңгені құрады. Жоғарғы курс – 325,21, сауданың аяқталуы кезінде 325,21 теңге болды. Таңғы сессияда сауда көлемі 331 млн 200 мың доллар болды. Валюта операциясына байланысты келісім саны — 248.

Ақша айырбастау орындарында 10 сәуірдегі доллардың жоғары курсы (Алматы уақытымен – 11.10) Алматыда 328 теңгені құраған.