Еуразиялық экономикалық одақ елдерінің лидерлері Қытаймен сауда-экономикалық ынтымақтастық туралы келісімге келу жөніндегі келіссөздерді бастауға қатысты шешімді қабылдады.

Жоғарғы Еуразиялық экономикалық кеңес отырысының қорытындысы бойынша мемлекет басшылары бірқатар құжаттарға қол қойды, сондай-ақ "Қытай Халық Республикасымен сауда-экономикалық ынтымақтастық туралы келісімге келу жөнінде келіссөздерді бастау туралы" шешімді қабылдады. Бұған қоса, ЕАЭО елдерінің басшылары ЕАЭО мен оған мүше-мемлекеттер арасында және Вьетнам Социалистік Республикасымен еркін сауда аймағын құру туралы шешім, сонымен қатар "Еуразиялық экономикалық одақтың ортақ электр энергетика нарығын қалыптастыру концепциясы туралы" шешім қабылдады.