"Эйр-Астана" Қазақстанның ішкі өңірлеріне жеңілдетілген арнайы тарифтер енгізді. Бұл туралы компанияның ресми сайтында жазылған деп хабарлайды 7kun.kz.

Арнайы тарифтер бойынша, Қазақстан бойынша ұшатын рейстерге барлық алымдарды қосқанда бір жаққа ұшу  8 990 теңгеден басталады. Тарифтер 2015 жылдың 15 маусымына дейінгі ұшатын рейстерге арналған. Сатылым күндері - 23 сәуір және 10 мамыр аралығы.

Ақтау-Атырау, Астана -Павлодар бағыттары 8990 теңгеден, Астана-Алматы, Алматы-Қарағанды бағыттары 9990 теңгеден, Алматы-Өскемен, Алматы-Шымкент рейстері 11990 теңгеден басталады. Ең жоғары тарифтер Алматы-Ақтөбе, Ақтау-Астана, Алматы-Ақтау рейстеріне белгіленген.

Еске салайық, осыған дейін әуе тасымалдаушының наурыз айының соңында Алматы – Гонконг – Алматы және Астана – Париж – Астана рейстеріндегі эконом-классқа жатын орын енгізендігі хабарланған еді.